LA NOVA LERNOJARO 2017-2018 EN INSTITUTO ZAMENHOF (IZo)

Programite por okazi la 25-an de septembro 2017, la lerneja rekomenco finfine okazis la 2-an de oktobro 2017. Tiun tagon, en Instituto ZAMENHOF, multnombraj estis la gepatroj kaj la gelernantoj kiuj ghoje revenis al la Instituto en belaj kaj novaj vestajhoj por rekomenci siajn lernejajn laborojn. La tre bonaj jarfinaj rezultoj de la antaua lernojaro 2016-2017 estis motivigo por multaj gepatroj enskribigi siajn gefilojn en Instituto ZAMENHOF. Post la periodo dedichita al la enskribighoj  la lernantaro de Instituto ZAMENHOF  aspektas jene.

Infanvartejo (CI)
--------------------
Estas  39 gelernantoj :  15 knaboj 24 knabinoj

Elementa nivelo
-----------------

Estas en
- La unua klaso  (CP1) : 47 gelernantoj (18 knaboj 29 knabinoj)
- La dua klaso d (CP2) :37 gelernantoj (17 knaboj) 20 knabinoj)
- La tria klaso  (CE1) :47 gelernantoj (26 knaboj 21 knabinoj)
- La kvara klaso  (CE2) :35 gelernantoj( 13 knaboj 22 knabinoj)
- La kvina klaso  (CM1) :39 gelernantoj( 24 knaboj 15 knabinoj)
- La sesaklaso  (CM2) : 39 gelernantoj( 24 knaboj 15 knabinoj)

Mezgrada nivelo (Kolegio)
-------------------------
Estas en la
- unua klaso (6ème) : 62 gelernantoj(35 knaboj 27 knabinoj)
- dua klaso  (5ème) :54 gelernantoj (27 knaboj 27 knabinoj)
- tria klaso (4ème) :50 gelernantoj (26 knaboj 24 knabinoj)
- kvaraklaso de (3ème) : 50 gelernantoj (31 knaboj 19knabinoj)

Kompare kun la pasintaj jaroj, estas altigo de nombroj de gelernantoj en iuj klasoj kaj malaltigeto en aliaj. La altigo aperas chefe en la sesa klaso de la elementa nivelo kaj en la kvara klaso de la mezgrada nivelo. Okazis tiel pro la fakto, ke :
- En Instituto Zamehof (IZo) la rezultoj  de la jarfinaj ekzamenoj  de la sesa klaso elementa kaj de la kvara klaso mezgrada estis tre bonaj kaj ebligis al la kandidatoj ricevi siajn finstudajn diplomojn en la niveloj.
- La malaltigeto de nombro en iuj klasoj, precipe elementnivelaj, kauzis la fakto, ke nun kreighas  chie neleghaj  lernejoj (kvazau nigrmerkajhoj)  en la urbo Lomeo. Tiuj neleghaj lernejoj ne havas  permeson de la shtato por funkcii.Plie, ili ne pagas imposton al shtato, nek asekurigas siajn instruistojn. La instruistoj de tiuj lernejoj havas salajrojn nur dum la lernotempo, kaj neniom dum la ferioj. Ech mankas necesejoj en tiaj lernejoj. Male, Instituto Zamenhof estas tute legha lernejo, kiu asekurigas chiujn siajn laborantojn.  La lernokotizo en la neleghaj lernejoj estas pli malaltaj ol tiuj de Instituto Zamenhof. Jen do iuj gepatroj, kiuj komprenas neniam preferas neleghajn ( NIGRAJN au SOVAGHAJN)lernejojn por pagi malpli, tute forgesante, ke la kvalito estas pli bona ol la kvanto. Sed, kiam la gelernantoj atingas ekzamenajn klasojn gepatroj petas ilian enskribighon en IZo. Tamen Instituto Zamenhof havas tre bonajn nombrojn de gelernantojn.

Oni povus demandi pri la sorto de Esperanto en Instituto Zamenhof.
Jes, la lingvo estas regule instruata. Chiujare IZo havas pli ol 60 novajn gelernantojn, kiuj la tutan lernojaron studas Esperanton. Tiel funkcias tiu sistemo de 2004 ghis nun 2017-2018 kaj pli poste. Tio klarigas parte la Esperanto-nivelon bonan de togolandanoj, char preskau chiuj junaj esperantistoj togolandaj eklernis Esperanton en Instituto Zamenhof.Ech en Benino kaj Kotdivuaro estas nun junaj espeprantistoj kiuj eklernis Esperanton en IZO, kaj ne nur tion.

La informadika kurso regule okazas por chiuj gelernantoj de la kolegio. Ili lernas teksprilaboron kaj la uzadon de aliaj programoj, jes ankau la utiligadon de interreto.


Komprenindas la kvazau devizo de la lernejo "En Instituto Zamenhof, oni lernas ne por la diplomo, sed por la vivo......." ( la tuta medidtajho aperas sube). La instruado en Instituto Zamenhof koncernas la formadon de kompleta homo. Tion chi atestas gepatroj,  kiuj asertas, ke la gelernantoj de IZo havas tute alian konduton kompare kun gelernantoj de aliaj lernejoj. Ho jes, ankau gelernintoj de IZo ion tian rakontas. Tiel ili montras sian dankemon al tiu lernejo, kiu taskas al si kontribui en la formado de homo kompleta pere de siaj lecionoj diversaj.